Dalli

Föstudagur, 18. ágúst 2006

Spámaður fyrstu umferðar, Dr.GM

Þá fer senn að líða að því að þjóðaríþrótt okkar Íslendinga (fyrir utan handbolta hjá Íslenska landsliðinu á stórmótum) hefjist. Menn teljast ekki menn með mönnum nema að þeir fjalli um Enska boltann. Við Dallamenn höfum ákveðið að hafa reglulega spá fyrir komandi umferð, þar verðum við hverju sinni með sérfræðing sem fjallar um leiki umferðarinnar. Sérfræðingurinn mun spá um úrslit leikjanna, segja af hverju hann spáir svo, hverjir munu hugsanlega skora og fjalla stutt um hvað sé að gerast hjá liðunum hverju sinni. Það skal þó tekið fram að skoðanir viðkomandi spámanns endurspegla á engan hátt skoðanir dalla.blog.is og eru á eigin ábyrgð. Ef mönnum finnst þessar spár einhverjar langlokur þá geta menn farið yfir þetta á hundavaði eða rýnt einungis í áhugaverðari leiki og leiki síns liðs. Við munum reyna að halda einhverri tölu á því hvernig til tekst svo hjá viðkomandi spámanni og hver sé sá getspakasti. Mönnum er velkomið að segja sína skoðun á spánum í athugasemdunum.

Fyrsti spámaður okkar dalla.blog.is er enginn annar en sjálfur Doktorinn. Okkur fannst vel við hæfi að hann myndi opna þetta fyrir okkur og við sjáum sko sannarlega ekki eftir því að hafa falið honum þetta verkefni, þvílík fagmennska þar á bæ að sjaldan hefur annað eins sést. En lesendur góðir hér er spá Dr.GM gjöruði svo vel.

Sheffield United – Liverpool

Dr.GM©: Sameinaða liðið frá skítaborgini geta ekkert og þurfa Bítlarnir því ekki að hafa áhyggjur. Nú veit ég ekki hvort hinn undurfagri hollendingur Dirk Kuyt verði með en hann á eftir að detta á andlitið í þessum leik ef svo er. Stevie Gjí setur tvö og Crouch tæklar eitt inn. 0-3

Arsenal – Aston Villa

Dr.GM©: Villa menn koma sterkir inn eftir að Deadly Doug var skipt út. Þeir eru hinsvegar ekki búnir að versla neitt merkilegt í sumar og eiga eftir að lenda í vandræðum. Arsenal gera hins vegar í brækurnar á nýja Arabaleikvanginum sínum og leikurinn endar 0-0

Everton – Watford

Dr.GM©: Það hefur ekki farið fram hjá neinum að Everton hafa sennilega gert kaup ársins. Fyrst (á láni) Tim Howard sem ég kýs að kalla blinda Ameríkanann í markið og síðan gerðu þeir kjarakaup á Andy Johnson á aðeins 8.6M punda. Everton menn eiga eftir að brillera á á Goodison. Andy Johnson setur tvö úr víti eins og vanalega. 2-0

Newcastle – Wigan

Dr.GM©: Shearer er hættur. Duff inn sem voru góð kaup en hann á eftir að gera upp á bak. Owen verður meiddur og Newcastle verða í bullandi rugli í vetur. Reyndar verða Wigan menn það líka þar sem þeir seldu einn sinn besta mann Jason Roberts og keyptu ístrubelgin Emilie Heskey í staðinn.Ekki horfa á þennan leik. 0-0

Portsmouth – Blackburn

Dr.GM©:Harry Redknapp er gjörsamlega búinn að missa það. Kaupir rugludallinn Sol Campbell, lélegasta markmanninn David James og manninn sem getur ekki einu sinni potað honum inn þrátt fyrir að nota skó númer ca. 52, Kanu. Mark Hughes mætti kenna Fergie eitthvað í sambandi við að kaupa framherja en hann hefur keypt þrjá slíka og þar af meðal ekki ómerkari eyru en Francis Jeffers. Jason Roberts er hinsvegar nautsterkur og á eftir að slátra Sol Campbell í þessum leik. 0-2 Roberts með eitt og David James sparkar í eigið mark.

Reading – Middlesboro

Dr.GM©: Reading geta væntanlega lítið þrátt fyrir að vera með Ívar Ingimars í liðinu. Búnir að styrkja liðið lítið fyrir tímabilið og þekki ég ekki þá kauða. Middlesborough verða með allt niðrum sig í vetur eftir að hafa misst Jimmy Floyd Hasselbaink og Colin Cooper. Andleysi Boro manna verður algjört og nýliðarnir merja þetta 1-0.

West Ham – Charlton

Dr.GM©: It’s Hammer time! Komnir með Carlton Cole og Jonathan Spector sem verður að vísu ekki með samkvæmt nýjustu fregnum. Charlton menn keyptu eina leikmann Boro sem gat eitthvað síðast þegar ég sá þá á ferðinni. Cole og Hasselbaink setja hann í sitthvort markið. 1-1

Bolton – Tottenham

Dr.GM©: Sem fyrr hefur tvífari Sýslumannsins BIG SAM styrkt liðið með ævagömlum leikmönnum. Spurninginn er hvort að honum takist þetta enn einu sinni. Þeir náðu að halda Nolan sem verður allt í öllu hjá þeim og setur eitt mark í þessum leik. Hinsvegar eru Tottenham sterkir og lenda í 5. sæti í vetur og verður það Dimitar Berbatov sem á eftir að setja hann grimmt í vetur og byrjar það með tvennu. 1-2 fyrir Spurs.

Man Utd – Fulham

Dr.GM©: úff úff úff...mínir menn verða vægast sagt í basli í vetur en ekki þó í þessum leik. Luis Saha á eftir að verða erfiður gegn sínum gömlu félögum í Fulham. Ronaldo verður með og skeinuhættur þrátt fyrir að hafa gleymt að skeina sér á HM. 3-0 fyrir heimamönnum verða lokatölur, Saha, Scholes og Ronaldo setj’ann.

Chelsea – Man City

Dr.GM©: Cjitty men ráðast ekki á garðinn þar sem hann er lægstur. Þeir keyptu nú í sumar útbrunninn skoskan landsliðsmann að nafni Paul Dickov á meðan Chelsea fara leiðinlegu leiðina og eyða fúlgum í drulluhala eins og Shevchenko og Ballack. Heyrst hefur að Gallas verði með í vörninni í leiknum í treyju númer 99 smelli honum í eigið net og allt verður vitlaust. Andreas Isaksson á eftir að fara á kostum og verja helling frá bláu ógeðunum en Frank the Tank Lampard nær að smyrja inn tveim fyrir utan teig. Andy Cole kemur sífellt á óvart og setur eitt eftir herfileg mistök Cudicini, 2-1. Svona til að enda þetta vil ég ásamt fótboltaáhugamönnum um land allt óska Chelsea alls hins versta á tímabilinu.

Með fótboltakveðju Dr.GM©

Meginflokkur: Enski boltinn | Aukaflokkur: Bloggar | Breytt s.d. kl. 23:53 | Facebook

Athugasemdir

Tek undir það...I hope Chelsea will crash and burn!!!
En Gunners taka Villa 3-1. Henry með 2 og Van Persie 1. Skiptir engu hver skorar fyrir Villa enda verður það ekkert nema heppnismark
Fótboltakveðjur...Úlfurinn

Úlfur (IP-tala skráð) 19.8.2006 kl. 00:17

Það er naumast að menn eru fullir af ranghugmyndum. Lið sem er styrkt að Al-Kaida á ekki skilið að vinna neitt. Líkt og frændi þá hallast ég frekar að því að Villamenn nái að halda jöfnu með snillinginn Martin O´Neill í brúnni.

Sýslumaðurinn (IP-tala skráð) 19.8.2006 kl. 09:36